«Орталық сайлау комиссиясы Халықаралық байқау институтын 22 қыркүйекте ашты. Шетел байқаушыларын аккредиттеу 2022 жылғы 14 қарашада сағат 18:00-де аяқталады», — деді Орталық сайлау комиссиясының хатшысы Мұхтар Ерман.
Оның айтуынша, Сыртқы істер министрлігінің ұсынысы бойынша аккредиттеуге төрт халықаралық ұйымнан және бір шет мемлекеттен 43 байқаушы ұсынылды.
Оның ішінде: 6 байқаушы — ТМД елдерінен, 17 байқаушы — ТМД парламентаралық ассамблеясынан, 13 байқаушы – Еуропадағы қауіпсіздік және ынтымақтастық ұйымынан, 5 байқаушы — Түркі мемлекеттері ұйымынан, сондай-ақ Грузия елінен 2 байқаушы аккредиттелді.
Сондай-ақ ол аккредиттеуге ұсыныстардың келіп түсуіне қарай байқаушылар жөніндегі деректер жаңартылып отыратынын айтты.
