Қазақстанда пайдаланылмайтын ауыл шаруашылығы жерлерін мемлекет пайдасына жаппай қайтару жалғасып жатыр. Бұл туралы Ауыл шаруашылығы министрлігінің баспасөз қызметі мәлімдеді.
«Мемлекет басшысының тапсырмасымен пайдаланылмаған және заңнаманы бұза отырып берілген жерлерді қайтару жөніндегі жұмыс комиссиясы құрылды. Қазіргі уақытта бірнеше бағыт бойынша жұмыстар жүргізіліп жатыр. 1 миллион 517 мың гектар алаңда жер пайдаланушыларға қатысты 601 жоспардан тыс тексеру жүргізілді, 680,9 мың гектар жерге қатысты 57 материал ҚР Бас прокуратурасының Құқықтық статистика және арнайы есепке алу жөніндегі комитетінің басқармаларында тіркеу сатысында тұр», — деді министрліктің баспасөз қызметіндегілер.
Айта кету керек , өткен жылы 200 мың гектардан аса алаңда жер пайдаланушыларға қатысты 177 жоспардан тыс тексеріс болған.
