Оның айтуынша, Дүниежүзілік денсаулық сақтау ұйымының деректеріне сәйкес, 2024 жылы әлем бойынша 236 мыңнан астам адам суға батып көз жұмған. Оның ішінде 82 мыңы – 1 мен 14 жас арасындағы балалар.
«Бұл статистика балаларды судағы қауіпсіздік ережелеріне үйретудің қаншалықты маңызды екенін көрсетеді. Осыған байланысты Оқу-ағарту министрлігімен бірлесіп, жүзу сабақтарын мектептегі дене шынықтыру бағдарламасына енгізу бағытында жұмыс жүргізіліп жатыр», – деді Баландин.
Жоба алғашында пилоттық түрде 2026 жылы Алматы мен Астанада іске қосылады. Одан кейін кезең-кезеңімен бүкіл ел бойынша енгізу жоспарлануда.
«Бұл тәжірибе АҚШ, Аустралия және Венгрия сияқты жетекші жүзу мемлекеттерінде сәтті қолданылады. Сол елдерде балаларға жүзуді мектеп қабырғасында үйрету – міндетті және көп жылдан бері нәтиже беріп келеді», – деді ол.
Дмитрий Баландиннің айтуынша, жоба балалардың суға қатысты қауіпсіздік дағдыларын ерте жастан қалыптастырумен қатар, спортқа қызығушылығын арттыруға, салауатты өмір салтын нығайтуға ықпал етеді.
