Кандидат алдымен Жамбыл политехникалық колледжінің студенттерімен кездесу өткізді. Жастар елдегі, әлемдегі оқиғаларға байланысты сауалдарын қойды.
Кейін кандидат сүт зауытында болып, өндіріс орнының жай-күйімен танысты. Онда күніне 80 тоннадан астам ағарған өңделеді екен.
«Ауыл шаруашылығы өнімдерін қайта өңдеу. Осы салада мәселелер бар екен. Кредит, экспорттау көп. Проблема көп. Солардың бәрін талқыладық, ортаға салдық. Ұсыныстарды жазып алдым», − деді ҚР президенттігіне кандидат Мейрам Қажыкен.
Айта кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада президент сайлауы өтеді.
