«Дуалды оқытуды дамыту, тәлімгерлік қызметке ақы төлеу, жан басына шаққандағы қаржыландыру, «Жас маман» жобасын іске асыру, инклюзивті білім беруді дамыту, сондай-ақ техникалық және кәсіптік білім беру ұйымдары мен балабақшаларда тамақтану жөніндегі нормативтік құқықтық актілерге өзгерістер енгізу және мектепке дейінгі ұйымдарда педагог-ассистент лауазымын енгізу мәселелері талқыланды», — деді Аймағамбетов Facebook парақшасында.
Асхат Аймағамбетов сонымен қатар қаланың 180 мемлекеттік және жеке мектептерінің директорларымен кеңес өткізді.
«Колледж директорларын қызықтырған негізгі мәселе техникалық және кәсіптік білім беру ұйымдарында (колледждерде) оқыту үшін жан басына шаққандағы қаржыландыру нормативіне қатысты болды. Бұл норматив шынымен де қайта қарауды талап етеді, біз бұл мәселені шешу үшін мемлекеттік органдармен белсенді жұмыс істейміз», — деді министр.
Үлгерімі төмен балалармен жұмыс істеудегі еңбекақы төлеу жүйесіне, «Жайлы мектеп» ұлттық жобасын іске асыруға, қауіпсіздікті қамтамасыз етуге, мектеп психологтарының жұмысына, педагогтарды аттестаттау ережелеріне, ата-аналар қауымдастығымен жұмысты нығайтуға, педагогтерді қайта даярлау мүмкіндіктеріне қатысты мәселелер талқыланды.
