Полицейлер лауазымды тұлғаларға қатысты өзге құрылымның құзыретіндегі қылмыстық істі жабу үшін 50 мың АҚШ доллары сомасында ақша қаражатын алды деген күдікке ілінді.
“2022 жылдың 8 шілдесінде жүргізілген жедел-тергеу іс-шараларының нәтижесі бойынша қылмыстық-процессуалдық кодекстің 128-бабы тәртібінде Көкшетау қаласы полиция басқармасы бастығының орынбасары ұсталды”, — делінген агенттік таратқан хабарламада.
9 шілдеде Көкшетау қаласының тергеу соты күдіктіге қатысты «күзетпен ұстау» түріндегі бұлтартпау шарасын санкциялады.
Қазіргі уақытта аталған дерек бойынша сотқа дейінгі тергеу жүріп жатыр. Тергеу мүддесінде өзге ақпарат жария етуге жатпайды.
