«Бұл беделді олимпиадаға біздің 4 оқушы қатысты. 90-ға жуық елден келген 350-ден астам қатысушының басын қосқан жарыста 4 шәкіртіміз де жүлделі орындарға ие болды», — деп жазды әлеуметтік парақшасында ҚР Оқу-ағарту министрі Асхат Аймағамбетов.
Оралдық Жамбыл Мақсотов пен семейлік Мухаммадариф Сахмолдин күміс, ал Алматылық Ван Ли мен Таймас Қорғанбаев қола медальға ие болды.
Министрдің мәліметінше, 2022 жылы қазақстандық оқушылар ең беделді халықаралық олимпиадаларда медаль алу бойынша рекордтық көрсеткішке жетті. Қазақстан құрамасының қоржынында 27 медаль, оның ішінде 3 алтын, 15 күміс және 9 қола.
Асхат Аймағамбетов биыл алғаш рет халықаралық жарыстардың жеңімпаздары 4,5 млн теңгеге дейін қомақты ақшалай сыйлық және ҰБТ тапсырмай ЖОО-да оқуға грант алатынын айтты.
