«Қазақстанға көшіп келушілердің Қазақстан Республикасына келуі мен елде болуы, сондай-ақ олардың Қазақстан Республикасынан кету қағидалары бойынша бақылаудың жеткілікті тиімді жүйесі жұмыс істейді. Бірде-бір шетелдік азаматтың көші-қон заңнамасының талаптарын елемей, біздің мемлекетіміздің аумағында шектеусіз жүруге құқығы жоқ», — деп хабарлады ведомстводан.
ЕАЭО елдерінің азаматтары үшін көшіп келушілердің Қазақстанда болуының рұқсат етілген мерзімі мемлекеттік шекарадан өткен күннен бастап күнтізбелік 90 күн өткен соң аяқталады.
Биыл Қазақстанға 4,3 млн-ға жуық шетелдік азамат келді.Кеткендер саны 4,1 млн. Оның ішінде Ресей азаматтары бойынша келгендері 1 660 000. Кеткендердің саны 1 640 000 адам.
«Олардың уақытша болуы — олардың әрқайсысы туралы толық ақпаратпен, төлқұжат деректерімен және келуін бақылау үшін келу күнімен есептеледі. Көші-қон процестеріне бақылау жүргізіліп жатыр», — деп атап өтті ведомствода.
Егер шетелдікте болу мерзімі аяқталса, оған қатысты заңнамада көзделген ден қою шаралары қабылданады. Бақылау барысында 45,7 мың көші-қон заңнамасын бұзғандар әкімшілік жауапкершілікке тартылды, оның ішінде 4,2 мыңы бірден Қазақстаннан тыс жерлерге мәжбүрлеп шығарылды.
«Сонымен бірге, көші-қон заңнамасын бұзғаны үшін 3,2 мың ресейлік азамат жауапқа тартылды, бұл Ресей Федерациясы азаматтары санының тек 0,2% құрайды. Бұл олардың Қазақстанда болу мерзімдерін сақтау бойынша белгілі бір тәртіптілігін көрсетеді», — деді Көші-қон қызметінде.
Олай болмаған жағдайда, Қазақстаннан мәжбүрлеп шығарып жіберу біздің елге 5 жыл мерзімге қайта кіруге тыйым салу түрінде қосымша санкциялық шараны көздейді.
«Сондай-ақ, ішкі істер органдары уақытша тұруға рұқсат беру негізінде шетелдіктердің Қазақстанда болу ережелерінің сақталуына бақылау жүргізеді, оны алу процесі реттелген», — деп хабарлады ведомстводан.
Егер шетелдік азамат уақытша тұруға рұқсат алған болса (еңбек шартының мерзіміне, оқу, емделу және басқа да толық негіздер кезеңіне), көші-қон қызметінде тұрғылықты мекенжайы, тұрғын үй иесі және онда тұратын шетелдіктер туралы толық ақпарат болады, бұл көші-қон бақылауын қамтамасыз етуге мүмкіндік береді.
«Қазақстан Республикасы ІІМ көші-қон қызметі штаттық режимде жұмыс істейді. Шетелдіктердің, уәкілетті мемлекеттік және құқық қорғау органдарының заңнаманы сақтауын бақылау жүргізіліп жатыр», – деп атап өтті көші-қон қызметі комитеті басшысы Аслан Аталықов.
