Полицейлер ережені сақтау жол қауіпсіздігінің басты шарты екенін атап өтеді.
«Полиция жол апаттарын болдырмау, жол жүрісі қағидаларын бұзудың алдын алу бойынша тұрақты түрде түсіндіру және профилактикалық жұмыстарын жүргізеді», — ІІМ әкімшілік полиция комитеті төрағасының орынбасары Әлібек Кеңіспаев.
Кеңіспаевтың пайымдауынша, осы мақсатта күн сайын трассаларда шамамен 1,5 мың патрульдік полицей қызмет етеді.
Экипаждар 50 шақырым сайын орналастырылған. Жүргізушілер көбінесе жол ережелерін елемейді.
Жылдамдық режимін сақтамайды. Қарсы жолға шығып кетіп жатады.
«Мысалы, 5 маусымда Ақтөбе облысында Toyota Alphard автокөлігінің жүргізушісі рульді басқара алмай, аударылып кетті. Апатқа дейін оны полиция қызметкерлері тоқтатып, жол ережесін сақтау туралы ескерткен болатын. Оқиға салдарынан төрт адам қаза тапты», — деді ІІМ әкімшілік полиция комитеті төрағасының орынбасары Әлібек Кеңіспаев.
Қорытындылай келе, ол тағы да көлік жүргізушілерін ережелерді сақтауға, жолда абай болуға, өздеріне, жолаушыларға және басқа да қозғалыс қатысушыларына қауіп төндірмеуге шақырды.
«Жүргізушілерді тағы да жолда сақ болуға шақырамын»! – деді ІІМ әкімшілік полиция комитеті төрағасының орынбасары Әлібек Кеңіспаев.
Бір күн бұрын, 6 маусымда тәртіп сақшылары ата-аналарды жазғы демалыс кезінде балаларының бос уақытын қадағалауға шақырып, олардың есірткі тасымалдаушы ретінде жұмысқа тартылу қаупі туралы ескертті.
