Комитет төрағасының айтуынша, 2024–2025 оқу жылынан бастап ЖИ оқу процесінің барлық деңгейінде қосымша білім беру құралы ретінде қолданылуда. Оның басты мақсаты – оқу сапасын арттыру және білімді жан-жақты меңгеруге мүмкіндік беру.
«200 мыңға жуық педагог арнайы дайындықтан өтті және қазір сабақ беріп жүр. Жасанды интеллект – оқыту сапасын көтеретін, оқу материалын тереңірек игеруге көмектесетін құрал. Дегенмен, педагогтің басты рөлі сақталады. ЖИ ешқашан мұғалімді алмастыра алмайды», – деді Қаныбек Жұмашев.
Сонымен қатар, жаңа оқу жылынан бастап «Информатика» пәнінің атауы «Информатика және жасанды интеллект» болып өзгертіледі. Бұл жаңашылдық мектептерде цифрлық сауаттылықты арттырып, оқушыларды заманауи технологияларды тиімді пайдалануға үйретуді көздейді.
