Қасым-Жомарт Тоқаевтың бұл туралы Жарлығы akorda.kz сайтында жарияланды.
ҚР Конституциясының 87-бабындағы 5-тармаққа сәйкес жаңадан сайланған Қазақстан Республикасының Президенті қызметіне кіріскен кезде Астана, Алматы, Шымкент қалаларының және облыстардың әкімдері өкілеттігі тоқтады. Президенттің осы Жарлығына сай олар тиісті әкімдер тағайындалғанға дейін өз міндеттерін атқаратын болады.
Мемлекет басшысы «Қазақстан Республикасының Президентіне тікелей бағынатын және есеп беретін мемлекеттік органдардың басшылары туралы» да осындай Жарлыққа қол қойды.
Сондай-ақ Қазақстан Республикасының Президентіне тікелей бағынатын және есеп беретін мемлекеттік органдардың басшыларына тиісті басшылар тағайындалғанға дейін өз міндеттерін атқару тапсырылды.
