Ол қазір Парламентте әйелдер мен балалардың құқықтарын қорғау мәселелері бойынша заң жобалары қаралып жатқанын айтты.
Фотосурет: primeminister.kz.
«Соңғы уақытта мемлекеттік органдар балаларды отбасыларынан тартып алады деген жаңа норманың қабылданғаны жайлы теріс ақпарат таратылуда. Біз ресми түрде мәлімдейміз: бұл ақпарат шындыққа сәйкес келмейді. Қаралып жатқан заң жобаларында және Парламенттегі басқа да нормативті құқықтық актілерде балаларды отбасыларынан тартып алуға мүмкіндік беретін бірде-бір норма жоқ», — деді Еділ Оспан.
Сонымен қатар, ол мемлекет саясаты балаларды қорғауға және отбасын сақтауға бағытталғанын айтты. Қазіргі уақытта, үкімет қиын жағдайларға тап болған отбасыларды қолдау мақсатында кешенді шаралар жоспарын қабылдап жатыр. Мысалы, отбасын қолдау және кәмелетке толмағандарға психологиялық қолдау орталықтарын ашу жоспарланып отыр.
«Құрметті ата-аналар фейктерге емес, тек ресми ақпарат көздеріне сенулеріңізді сұраймыз!», — деп ескерті вице-министр.
