Демалыс пен ойын-сауықты ұйымдастыру саласындағы қызметтер құны 177,9 млрд теңгеге жетті. Бір жыл бұрынғыға қарағанда 91,6% артық. Халық есебінен көрсетілетін қызметтер көлемі 74%. Ауылдық жерлерде спорт саласында көрсетілген қызметтер көлемі 4 млрд теңгеге шықты. Ал демалыс және ойын-сауық саласында 21,6 млрд теңгені құрады.
Жергілікті бюджеттердің мәдениетке, спортқа, туризмге және ақпараттық кеңістікке жұмсаған шығындары бірінші жартыжылдықтың қорытындысы бойынша 214,8 млрд теңгеге жетті, жылдық өсім 39,6%. Өңірлер бойынша жергілікті бюджет шығындарының ең көп көлемі Түркістан облысында тіркелген. Аталған өңірде 27,1 млрд теңге, жылдық өсім — 56% құрап отыр. Көшбасшылар үштігінде Алматы (20,5 млрд теңге, өсім 2 есе) және Қарағанды (18,4 млрд теңге, оған қоса 29,5%) облыстары бар.
Ең төменгі көрсеткіштер Маңғыстау облысында байқалды. Барлығы 6,4 млрд теңге, бұл бір жыл бұрынғыға қарағанда 25,6% артық. Алматыда мәдениет, спорт, туризм және ақпараттық кеңістікке бөлінген жергілікті бюджет шығындары бір жылда 53,9%, 18 млрд теңгеге дейін, ШҚО-да 13,9%, яғни 13 млрд теңгеге өсті. Биыл тамыз айының қорытындысы бойынша демалыс және спорттық іс-шаралар саласындағы қызметтердің бағасы бір жылда 9,4% өсті. Оның ішінде музыка оқыту бойынша сабақтар 5,7%, бассейндер (абонемент) қызметтері 11,3%, жаттығу залдары қызметтері (абонемент) 9,7% артқан.
Одан бөлек, мектеп жасындағы балаларға арналған спорт секцияларындағы сабақтар 5,9%, балаларға арналған аттракциондар қызметтері 14,4% қымбаттады. Өңірлер бойынша бағаның ең үлкен жылдық өсуі Атырау облысында 27,5% тіркелді. Одан әрі Алматы (22,6%) және БҚО (21%) бар. Ең төменгі көрсеткіш Ақтөбе облысында байқалып, 1,7% құрап отыр.
