Төтенше жағдайлар департаменті баспасөз қызметінің мәліметіне сүйенсек, оқиға 17 шілдеде сағат 19:00 шамасында Ұлан ауданындағы Бұқтырма су қоймасының бойындағы «Аюда» демалыс базасында болған.
Жолаушылар тасымалдайтын кеме қатты желдің салдарынан суға бата бастады. Кеме «Садко» демалыс базасынан «Аюда» базасына қарай жүріп келе жатқан.
«Бортта 24 адам болған. Жел жылдамдығы секундына 20 метрге жетті», — деді ТЖД баспасөз қызметі.
Адамдарды құтқару үшін капитан бастаған команда мүшелері қайыққа тез арада құтқару салын орналастырды. 21 жолаушы, оның ішінде 9 бала аман-есен «Аюда» базасына жеткізілді. Барлық азаматтардың жағдайы жақсы, оларға медициналық көмек қажет емес.
