Құны 57 млрд теңге болатын 600-ден астам теміржол кіреберістері мемлекет бақылауына өтті.
«Аталған іс бойынша 180 млрд теңгеден астам қаражатты жымқыруға жол берілмеді. Олар толықтай мемлекетке қайтарылып, әлеуметтік мақсаттарға жұмсалып жатыр. Құны 57 млрд теңге болатын 600-ден астам темір жол кіреберістері мемлекет бақылауына өтті. Әңгіме сала өкілдерінің тілімен айтқанда, «соңғы шақырымдар» туралы болып отыр», — деді Олжас Бектенов.
Сондай-ақ, агенттік басшысы биыл Қазақстанда 1300-ден астам сыбайлас жемқорлық ісі тіркелгенін айтты.
Жарты жылдықтың қорытындысы бойынша:
– 800-ден астам тұлғаның жемқорлығы әшкереленді;
– Олардың 140-ы түрлі деңгейдегі басшылар;
– Ауыр қылмыстарды анықтау 33 пайыздан астам өсті;
– Тергеу қорытындысы бойынша 592 іс сотқа жіберілді;
– 357 жемқор сотталды;
– 430 млрд теңге қазынаға қайтарылды.
