Жымқыру схемасы қалай жүзеге асқан?
2023-2025 жылдарға арналған нашақорлық пен есірткі бизнесіне қарсы күрес жөніндегі кешенді жоспараясында сот сараптама органдарын материалдық-техникалық жабдықтауға республикалық бюджеттен 10,3 млрд теңге бөлінген.
Алайда, 2023-2024 жылдары Сот сараптамалары орталығының лауазымды тұлғалары мүдделі топпен алдын ала келісіп, жабдық бағасын үш есе асырып көрсеткен. Олар бюджет өтінімін қалыптастыру кезінде жалған коммерциялық ұсыныстар ұсыну арқылы қымбат жабдықтарды сатып алуға негіз жасаған.
Бұдан бөлек, мемлекеттік сатып алу конкурсы жарияланбай тұрып, тендерлік құжаттамада тек өздері білетін компаниялар ұсына алатын жабдықтардың техникалық сипаттамаларын көрсеткен.
Тәркіленген мүлік пен бұғатталған қаражат
ҚМА мәліметінше, тергеу аясында мүлікті тәркілеу мақсатында:
- Алматы қаласында жалпы құны 148 млн теңгеден асатын екі жер телімі,
- Астана қаласындағы пәтер,
- BMW X6 және Toyota RAV 4 автокөліктері тәркіленді.
Сонымен қатар, күдіктілерге тиесілі:
- 1,6 миллиард теңге,
- 367 мың АҚШ доллары,
- 366 мың еуро сомасындағы қаражат банк есепшоттарында бұғатталды.
Күдіктілер қамауға алынды
Құқықтық сараптама орталығының директоры, мемлекеттік сатып алу департаментінің басшысы және мердігер ЖШС басшысы ұсталып, сот шешімімен екі айға қамауға алынды.
Тергеу амалдары жалғасуда.
