Ұйымдастырушылардың хабарлауынша, бүгін өткен Almaty Half Marathon кезінде екі қатысушы — 84 жастағы Аққоян Рсалиев пен 21 жастағы Нұрбол Ахмади қайтыс болды.
Аққоян Рсалиев 2021 жылдан бері жүгіру жарыстарына қатысып келген. Бұған дейін 21,1 км және 10 км қашықтықтарын сәтті еңсерген.
Бүгін Әл-Фараби даңғылы бойында, қашықтықтың алғашқы шақырымында оған кенеттен өзін жайсыз сезініп, бір минуттың ішінде жедел жәрдем бригадасы келгенімен, пульсі болмаған.
«Алдын ала қорытынды — өкпе артериясының тромбоэмболиясы. Созылмалы артериялық гипертензия болған», — деді 2/51 бригадасының дәрігері Әлібек Қожаназаров.
Нұрбол Ахмади бұған дейін 10 км қашықтықта жүгірген. Бүгін 16-шы шақырымда есінен танып қалған. Оқиға орнына келген дәрігерлер реанимациялық әрекеттер жасағанымен, нәтиже болмаған.
Медициналық мамандардың айтуынша, қатысушылардың нақты өлім себебі сот-медициналық сараптамадан кейін анықталып, нәтижесі жақын күндері туыстарына хабарланады.
