Алматы қалалық полиция департаментінің мәліметінше, шектеулер қала тұрғындарының қауіпсіздігін қамтамасыз ету және ойынды жоғары деңгейде өткізу мақсатында енгізіліп отыр.
Қай көшелер жабылады?
Сағат 16:00-ден бастап келесі учаскелерде көлік қозғалысы тоқтатылады:
-
Абай даңғылы – Байзақов көшесінен Сейфуллин даңғылына дейін;
-
Сәтбаев даңғылы – Байзақов көшесінен Сейфуллин даңғылына дейін;
-
Байтұрсынов көшесі – Тимирязев көшесінен Шевченко көшесіне дейін.
Полиция департаменті қала тұрғындары мен қонақтарына сапар бағытын алдын ала жоспарлап алуды ескертеді.
Футбол жанкүйерлерінің жайлы қозғалысы үшін матчтан кейін Орталық стадионнан 60 тегін автобус жіберіледі. Олар мына бағыттар бойынша қатынайды:
-
А1 – Орталық стадион – «Алматы Арена» (Абай даңғылы, батыс бағыты);
-
А2 – Орталық стадион – Райымбек/Алатау (Абай даңғылы, батыс бағыты);
-
А3 – Орталық стадион – Алматы-1 теміржол вокзалы (Байтұрсынов көшесі, солтүстік бағыты);
-
А4 – Орталық стадион – Орбита ықшамауданы (Байтұрсынов көшесі, оңтүстік бағыты);
-
А5 – Орталық стадион – Жұлдыз ықшамауданы (Абай даңғылы, шығыс бағыты);
-
А6 – Орталық стадион – Халықаралық әуежай (Абай даңғылы, шығыс бағыты).
Сонымен қатар, қала әкімдігінің хабарлауынша, метро жұмысы түнгі 01:00-ге дейін ұзартылды.
