Қонақтар Қазақстан нарығы үшін жаңа «бельгиялық ақ-көк» ірі қара мал тұқымын асылдандыру және ветеринарлық күтім саласындағы озық технологиялармен танысты. Ірі қара малдың бұл тұқымы ірілігімен және етті болуымен ерекшеленеді.
Кездесу барысында бельгиялық шаруалардың биылғы қазан айында Астана қаласында өтетін «KazAgro» көрмесіне қатысуы және Алматы қаласындағы Қазақ ұлттық аграрлық университетінің мамандарымен кездесулері туралы сөз етілді. Сондай-ақ бельгиялық мамандар Алматы және Қостанай облыстарындағы шаруашылықтарға баруы мүмкін.
Қос тарап өзара тиімді ынтымақтастықты тереңдетуге бағытталған бірқатар нақты жобаларды пысықтап жатыр.
