Мемлекет басшысының келісімі бойынша және Бас прокурордың 1 тамыздағы бұйрығымен Адамов Берік Абызбайұлы Алматы облысының прокуроры болып тағайындалды.
Адамов Берік Абызбайұлы прокуратура органдарындағы қызметін 2004 жылы Павлодар қаласы прокурорының көмекшісі ретінде бастады. Әр жылдары Нұр-Сұлтан қаласының, Қарағанды облысының прокуратураларында және орталық аппаратта түрлі лауазымды қызметтерді атқарды.
Басшылық лауазымдарда жұмыс тәжірибесі мол. Павлодар облысы Екібастұз қаласының прокуроры, Алматы қаласы прокурорының орынбасары, бірінші орынбасары болды. Прокуратура органдарындағы еңбек өтілі 17 жылдан астам.
Сыныптық шені – аға әділет кеңесшісі.
Алматы облысының прокурорын тағайындау рәсіміне Қонаев қаласына ҚР Бас прокурорының бірінші орынбасары Тимур Тәшімбаев келді. Ол аумақтағы бірталай қордаланған мәселелерді атап өтіп, жаңадан тағайындалған Берік Адамовтың сол түйіндерді тарқатуға бірқатар еңбек сіңіретініне сенімін білдірді. Алматы облысының әкімі Марат Сұлтанғазиев прокурормен бірлесіп, қарқынды жұмыс атқаратынын айтты.
