«Aluminium of Kazakhstan» ЖШС бас директоры Жұмабек Нұрсұлтан алюминий профильдерін өндіру және экструзиялау жобасын таныстыра отырып, КТС және ҚҚС бойынша қосымша төлемге қатысты салықтық тексеру актісін талқылауды ұсынды.
Аймақ басшысының айтуынша, «Aluminium of Kazakhstan» ЖШС-не қатысты туындаған салық мәселесі әкімдіктің құзырына жатпайды, дегенмен компания ірі салық төлеуші болғандықтан, бұл мәселені қарауды тапсырды. Сондай-ақ, компанияның аймақтағы қызметін кеңейту жоспарларына үлес қосуға дайын екенін айтып, болашағы бар бизнес-жоспарды талқылауды ұсынды.
«Aluminium of Kazakhstan» ЖШС «Hoffmann» сауда белгісімен алюминий профильдерін өндіру бойынша толық циклді көшбасшы кәсіпорын болып табылады. Компанияның өнімдері еліміздің әлеуметтік маңызы бар нысандарын салу кезінде қолданылады, сондай-ақ жақын шет елдерге экспортталады.
2013 жылдан бері жұмыс істеп келе жатқан компания құрылтайшылардың құрылысы мен дамуына 4 трлн теңгеге жуық жеке капиталын инвестициялады. Негізі қаланған сәттен бастап 30 мың тоннадан астам өнім өндірілді. Кәсіпорын 700 жұмыс орнын құрды, ал бюджетке түсетін түсімдер жылына 2 млрд теңгені құрайды.
