Ағымдағы жылдың қаңтар-мамыр айларында Қарасай ауданында 10,1 мың тонна ет өндірілді, бұл өткен жылмен салыстырғанда 2,7 мың тоннаға аз.
Ауданда барлығы 62,4 мың бас ірі қара мал бар, оның 31,3 мың сиыры жылына 84 мың тонна сүт өндіреді.
«Бұл ретте 1,8 мың басқа барлығы 3 бордақылау алаңы және 2 мың басқа 7 сүт-тауар фермасы бар. Жыл басынан бері бордақылау алаңдары бір килограмм ет бермеді», — деді Марат Сұлтанғазиев.
Сондай-ақ, ол ауданда 3 жылыжай жабылғанын хабарлады. Жұмыс істеп тұрған көлемі 24,5 га 19 жылыжай жылына 9,5 мың тонна өнім береді.
Облыста құс шаруашылығы жақсы дамыған, деп атап өтті әкім. Өткен жылы облыстың құс фабрикаларында 645 млн.дана жұмыртқа өндірілді. Оның ішінде Қарасай құс фабрикаларының үлесіне 21,2% (137 млн дана) тиесілі.
Сұлтанғазиев хабарлағандай, оларға жоғары сапалы ауыл шаруашылығы тауарларын өндіру үшін АӨК-ке жаңа технологияларды енгізу, жылыжайлар мен сүт-тауар фермаларының жұмысын дамыту және жандандыру үшін инвестициялар тарту, өңірдің әлеуетін пайдалана отырып, қайта өңдеу кәсіпорындарын құру бойынша тапсырмалар берілді.
