«Бүгін сағат 20.30-да Республикалық және Қонаев қаласы жедел-құтқару жасағының күшімен Фесенков атындағы Астрофизика институтының обсерваториясына жетпей 40-қа жуық автокөлік табылды. Адамдардың саны анықталып жатыр. Жоғалып кеткен 7 адам да солардың қатарында екен. Зардап шеккендер жоқ», — делінген баспасөз хабарламасында.
Ресми мәліметке сүйенсек, бірнеше көліктің жанармайы таусылып қалған. Қазіргі таңда құтқарушылар автокөліктерге жанармай құйып, тізбектелген көліктерді эвакуациялап жатыр.
«Республикалық жедел-құтқару жасағының екінші тобы Түрген-Батан-Обсерватория жолымен бірінші топқа қарсы жүріп келеді», — деп жазды баспасөз қызметі.
Айта кетейік, бүгін 7 адамнан тұратын отбасының жоғалып кеткені туралы жазғанбыз.
