Аталған шараның негізгі мақсаты – тұрғындардың қауіпсіздігін қамтамасыз ету, қылмыстың алдын алу және құқық бұзушылықтарға жол бермеу.
Іс-шара аясында өңірдегі қылмыстық ахуалға жан-жақты талдау жүргізіліп, жергілікті ерекшеліктер ескеріле отырып, алдын алу бағытындағы кешенді жоспар әзірленіп, бекітілді. Ұйымдастыру және бақылау жұмыстарын тиімді жүзеге асыру үшін әрбір учаскелік полиция пунктіне жауапты қызмет басшылары бекітілген.
Сонымен қатар, профилактикалық есепте тұрған азаматтарды тұрғылықты мекенжайы бойынша тексеру жұмыстары күшейтілді. Атап айтқанда, «қорғау нұсқамасы» бар, «ерекше талаптар» қойылған, маскүнемдікке бейім, нашақорлыққа тәуелді және қолайсыз отбасылар санатына жататын тұлғалар толық қамтылып, олармен жеке профилактикалық жұмыстар жүргізілуде.
Мамандардың айтуынша, мұндай кешенді шаралар өңірдегі қоғамдық тәртіпті нығайтып, тұрғындардың қауіпсіздігін арттыруға бағытталған.
