«Бүгінгі таңда бүкіл әлемде А (H1N1), А (H3N2) және В тұмауы вирустары белсенділігінің артуы байқалып отыр. Соңғы аптада Алматы облысында медициналық ұйымдарға ЖРВИ-мен 8180 адам көмекке жүгінді. Оның ішінде, 14 жасқа дейінгі балалардың жиі сырқаттануы орын алып отыр. Олар жалпы ауырып жатқан адамдардың 58 пайызын құрайды», — деді Сәулет Капсаламова.
Оның айтуынша, жыл сайын облыста ЖРВИ-мен сырқаттанудың өсуі желтоқсан айында байқалады және ең жоғары көрсеткіштер қаңтар айында тіркеледі.
«ЖРВИ-дан бөлек, биыл тұмау статистикасы өткен жылдармен салыстырғанда әлдеқайда нашар. Себебі, қазақстандықтар әлемдік пандемия кезінде сақтық шараларын ұстанған еді. Ғалымдардың пікірінше, тұмау және ЖРВИ-дің өршіп кетуі пандемия уақытында аталған ауруларға қарсы иммундық жүйенің қалыптаспауымен тығыз байланысты», — деді маман.
Айта кетейік, осы уақытқа дейін облыста пневмонияның 1556 жағдайы тіркелді. Өңірде коронавируспен ауырып жатқандар жоқ.
Посмотреть эту публикацию в Instagram
