Ал өткен жылдың мамырынан Парламенттің Жоғарғы палатасы тарағанға дейін Сенат депутаты қызметін атқарған. Биыл қайтадан облыстың атынан алдын ала сайлау нәтижесі бойынша Сенат депутаттығына өтті.
Қайта сайлауға түскен депутаттың өмірбаянын тарқатып айтсақ, ол 1960 жылы қазанның 26 күні Кеген ауданы Қарқара ауылында дүниеге келген. Үйленген, төрт баласы бар. Қазақ және орыс тілдерін жетік меңгерген.
1987 жылы В.И. Ленин атындағы Қазақ Политехникалық институтын «инженер-механик» мамандығын және Мемлекеттік агроөнеркәсіп кешенінің бас қызметкерлерін дайындайтын Бүкілодақтық институтты тәмамдаған. Ал 2000 жылы Д.А. Қонаев атындағы гуманитарлық университеттің құқықтану мамандығын меңгеріп шыққан.
Еңбек өтілі:
- Талғар ауданы Алматы мал бордақылау кеңшарының инженері, жылутехнигі, ауылшарушылық дақылдарын өсіру бригадирі, аға инженері (1978-1992);
- «Дулат» коммуналдық мемлекеттік мекемесі директорының орынбасары (1992-1993);
- Киров ауылдық кеңесі төрағасының орынбасары, Киров ауылдық округінің әкімі (1993-1998);
- Алматы облысы Талдықорған ауданы әкімінің орынбасары (1998-1999);
- Қапшағай қаласы әкімінің бірінші орынбасары (1999-2001);
- Алматы облысы Қарасай ауданы Қаскелең қаласы әкімінің орынбасары (2001-2003);
- Консорциум «Идиль-Ақсу» ЖШС-ң жоба жетекшісі (2003-2005);
- «Ақсу» АҚ вице-президенті (2005-2006);
- «Ақсу» АҚ директорлар кеңесінің төрағасы (2006-2009);
- «Қарасай Құрылыс» ЖШС-ң Бас директоры (2009-2019);
- «Nur Otan» партиясы Алматы облыстық филиалы төрағасының бірінші орынбасары (2019-2021).
Сонымен қатар ол бірнеше Мемлекеттік және халықаралық марапаттың иегері:
- «Құрмет» орденінің иегері;
- «Қазақстан Республикасының Тәуелсіздігіне 10 жыл», «Қазақстан Республикасының Тәуелсіздігіне 20 жыл», «Қазақстан Республикасының Конституциясына 20 жыл» мерейтойлық медальдарымен марапатталған;
- Талғар, Қарасай, Райымбек аудандарының «Құрметті азаматы»;
- Қазақстан Республикасының «Құрметті құрылысшысы».
