«Қазір авиация саласы белсенді түрде қалпына келіп жатыр, рейстер қайта жанданып, жаңа бағыттар ашылып жатыр», — деді онлайн брифингте «Алматы халықаралық әуежайы» АҚ аға вице-президенті Зитцерс Симонс.
Әуежайдың терминалы кеңейген.
«Біз қазіргі терминалды мүмкіндігінше жақсартуға тырысамыз. Осыдан бір ай бұрын ішкі терминалдың алтыншы отырғызу секторында жөндеу жұмыстары аяқталды, оның ауданы бұрын 177 шаршы метр болса, қазір – 850. Екі шығаберістің орнына қазір төртеуі бар. Залдар кеңейді. Біз әуе көлігіне сұраныстың артып жатқанын көріп отырмыз. Сондықтан жаңа терминал салу қажеттігін көріп отырмыз», — деді спикер.
