Әкімшілік университеттің мемлекеттік қаржыландыруын 2 миллиард доллардан астам сомаға тоқтатқан. Бұл туралы BBC хабарлады.
Өткен аптада Гарвард университеті Трамп әкімшілігінің талаптарын қабылдаудан бас тартты. Бұл талаптар DEI (әртүрлілік, теңдік, инклюзия) саясаты аясындағы барлық бағдарламаларды тоқтатуды және кампустарда бетперде тағуға тыйым салуды қамтыған болатын.
Жауап ретінде әкімшілік Гарвардты 9 миллиард доллардың 2,2 миллиардын құрайтын мемлекеттік қаржыландырудан айырды және университетке салықтық жеңілдіктер мен шетелдік студенттерді қабылдау құқығынан айыру қаупін төндірді.
Дональд Трамп президенттікке кіріскен сәттен бастап университеттердегі солшыл идеология мен антисемитизмге қарсы күресті қолға алды. Оның пікірінше, бұл — Газадағы соғыс басталғаннан бері кампустарда болып жатқан Израильге қарсы шу көтерген акциялар арқылы көрініс табуда.
Трамп әкімшілігі осыған ұқсас талаптарды Принстон және Колумбия университеттеріне де қойып, олардың да қаржыландыруын тоқтатты. Алайда сотқа бірінші болып жүгінген — Гарвард университеті.
