«Премьер-Министрдің қолдауымен өңірлерде жеңіл өнеркәсіпті дамыту және өндіріс ошағын салу үшін 50 млрд теңге бөлінді. Бұл ақша облыстарға 1%-дық несиемен беріледі», — деді министр.
Министрдің сөзінше, облыс басшылығы әлеуметтік-кәсіпкерлік корпорация немесе басқа институт арқылы кәсіппен айналысуға ниетті тұлғаларға 3%-дық несиемен қажетті соманы береді. Мұндағы мақсат — министрліктен бөлінген ақшаның кезең-кезеңімен қайтарылуы мен облыс бюджетінің артуы.
«Кәсіпкерлерге қойылатын талап — 5-7 жыл аралығында өнімді нарықтағы бағадан 50% төмен бағада саудалау. Бұл — шағын және орта бизнес өкілдерінің арасындағы алыс-берісті де қамтамасыз ететін процесс», — деді Марат Қарабаев.
