Табиғатты қорғау мен абаттандыру бағытында еңбек етіп жүрген жасақ мүшелері өңір тазалығына үлес қосып қана қоймай, қоғам өміріне де белсенді араласу маңызды екенін айтты.
– “ Қазір жастарға көп көңіл бөлінуде. Ауылдың көркеюі, дамуы, болашағы сол үміт артқан жастардың қолында. Бұндай сайлау ауданымызда алғаш рет өтуде. Сондықтан бұл саяси науқанға бей-жай қарамай, өз дауысымызды беруге келдік”,– деді жасақ мүшесі, Жамбыл ауылдық округі Жастар ресурстық орталығының маманы Елжас Серікұлы.
Жастардың белсенділігі сайлау учаскесінде ерекше көңіл-күй сыйлап, тұрғындарға үлгі болды.
