Бұл туралы сыбайлас жемқорлыққа қарсы іс-қимыл департаментінің өкілі Қонаев қаласында өткен спорт басқармасының алқа мәжілісінде сөз етті.
«Маман жеке компанияның ArtSport бағдарламасының порталында жұмыс актілеріне кедергісіз қол қойғаны және қызметіне қамқорлық танытқаны үшін 400 мың теңге пара алған. Бұл азаматтың үстінен ҚР Қылмыстық кодекстің пара алу бабы бойынша қылмыстық іс қозғалды», — деді облыстық Антикордың аса маңызды істер жөніндегі офицері Жайық Таймерденов.
Басқарманың бас маманы былтыр 9 желтоқсанда Қонаев қалалық сот үкімімен кінәлі деп танылып, оған 12 млн теңге көлемінде айыппұл (пара сомасының 30 еселенген мөлшері) түрінде жаза тағайындалды, кәсіпкерге 800 мың теңге айыппұл салынды.
