Оқиға орнына төтенше жағдайлар департаментінің өрт сөндіру бөлімшелері жедел жетіп, тұрғындарды эвакуациялады және жарылыс қаупін болдырмау үшін үш газ баллонын қауіпсіз жерге шығарды, деп хабарлайды Egemen Qazaqstan.
Оқиға Графитовая көшесінде орын алған. Алдын ала мәлімет бойынша, өрт екінші қабаттан басталып, 130 шаршы метр аумақты шарпыған. Тілсіз жау жылдам таралып, үйдің жоғарғы бөлігін толықтай қамтыған.
Құтқару жұмыстары кезінде екі адам эвакуацияланды. Сонымен қатар мамандардың жедел және үйлесімді іс-әрекетінің арқасында үш газ баллоны дер кезінде сыртқа шығарылып, ықтимал жарылысқа жол берілмеді.
Өрт сөндірушілердің кәсіби жұмысының нәтижесінде өрт толықтай ауыздықталды. Қаза тапқандар мен зардап шеккендер жоқ. Қазіргі уақытта өрттің шығу себебі анықталып, тиісті тексеру жүргізілуде.
