Аталған дерек Қонаев қаласы полициясында есірткі заттарымен заңсыз жұмыс істеу қылмыстық құқық бұзушылық белгілері бойынша тіркелді.
Жедел-іздестіру іс-шаралары барысында ҰҚҚКБ қызметкерлері Қонаев ҚПБ “Бүркіт-252” экипажымен бірлесіп, Алматы қаласының 33 жастағы тұрғынының басқаруындағы автокөлікті тоқтатқан. Жеке тінту кезінде жүргізушіден ақ түсті ұнтақ заты бар бума табылып, тәркіленді, сондай-ақ жүргізуші орындығының астынан ақ түсті изолентамен оралған бума табылды.
Сонымен қатар, ұсталған адам бұрын Қонаев қаласының аумағында жасырылған есірткі заты бар бес орамның орнын өз еркімен көрсетті.
Сараптама нәтижелері бойынша тәркіленген зат жалпы салмағы 4,68 гр болатын “Альфа PVP” жылдамдық” есірткі құралы болып табылатыны анықталды. Қазіргі уақытта ұсталған адам қалалық полицияның УҰИ-ға қамаққа алынды.
