Үндеудің толық мәтіні келесідей:
Құрметті Алматы облысының тұрғындары!
2022 жылғы 20 қарашада Қазақстан Республикасы Президентінің кезектен тыс сайлауы өтті. Сайлау бүкіл саяси жүйенің күш-қуат, тұрақтылыққа сынақ болды, сонымен қатар әртүрлі саяси күштерге елдегі реформалар бойынша өз идеялары мен ұсыныстарын айтуға, мемлекеттілікті нығайтуға үлес қосуға мүмкіндік берді.
Жеңісті 26 қарашада Қазақстан халқына адал болуға ант берген еліміздің қазіргі Президенті Қасым-Жомарт Кемелұлы Тоқаев жеңіп алды.
Қасым-Жомарт Кемелұлы Тоқаев елімізде басталған саяси және экономикалық реформаларды нығайтатын, әсіресе әлемдегі геосаяси жағдайға көз жүгіртсек, бірқатар маңызды реформаларды жария етті. «Жаңа экономикалық бағыт» жарияланды.
Біз, Алматы облысы Қазақстан халқы Ассамблеясының мүшелері, Қасым-Жомарт Кемелұлы бастаған реформаларды толығымен қолдап, барша облыс тұрғындарын бірлігіміз бен келісімімізді нығайтуға шақырамыз.
«Әділетті Қазақстан» құрылысы мен еліміздің табысты әлеуметтік-экономикалық дамуының қозғаушы күші біздің қазақстандық патриотизм болуы керек.
Тұрақтылықты сақтау, қоғамдағы тыныштық пен келісімді қамтамасыз ету, сол арқылы Мемлекет басшысы Қ.К. Тоқаевтың реформаларына қолдау көрсету – біздің азаматтық борышымыз.
Құрметті жерлестер!
Ұлтаралық қатынастардың үндестігі, ынтымақ, өзара қолдау және ризашылық сезімі біздің өміріміз бен мәдениетіміздің ажырамас бөлігі ретінде қоғамымызда берік орнықты.
Біз «Бірлігі жоқ халық – болашағы жоқ халық» деген халық даналығы өсиетіне сай өмір сүріп жатырмыз.
Қазақстан Республикасының Тәуелсіздік күні қарсаңында баршаңызға зор денсаулық, бақыт және амандық тілейміз! Туған жерімізде — тыныштық, береке-бірлік болсын!
