Патрульдік полиция қызметкерлерінің мәліметінше, жыл басынан бері өңірде 398 жол-көлік оқиғасы орын алған, оның 42-сі қайғылы жағдаймен аяқталған. Жол апатынан барлығы 538 адам зардап шекті.
Сонымен қатар, өңірде мас жүргізушілер саны да артып келеді.
«Жыл басынан бері тәртіп сақшылары ауданда мас күйінде көлік жүргізген 78 жүргізушіні ұстады. Былтыр осы уақытта 74 автокөлік иесі мас күйінде көлік басқарғаны үшін қамауға алынды. Олардың барлығы көлік жүргізу құқығынан айырылды», – деп хабарлады аудандық полиция басқармасынан.
Мұндай заң бұзушылық үшін 15 тәулікке қамау жөнінде әкімшілік жаза тағайындалып, жеті жыл мерзімге жүргізушілік құқығынан айырылады. Ал қайталанған жағдайда қамау мерзімі 20 тәулікке дейін, ал көлік құралдарын жүргізу құқығынан айыру 8 жылға дейін өзгереді.
Айта кетейік, 2022 жылдың 9 айында полиция қызметкерлері жол қозғалысы ережелерін бұзғандарға 12759 әкімшілік хаттама толтырған.
