Дауыс беру үшін аталған аудан әкімінің шешімімен 81 сайлау учаскесі құрылған. Оның ішінде, 2 жабық сайлау учаскесі бар. Соның бірі №841 сайлау учаскесі орталық аудандық ауруханада болса, екіншісі — туберкулезге қарсы диспансерде орналасқан №842 сайлау учаскесі.
«Аудандағы 81 сайлау учаскесінің 69-ы жалпы білім беретін мектептерде, 5-уі колледждерде, 2-уі денсаулық сақтау мекемесінде, 1-уі Қызылқайрат ауылындағы Мәдениет үйінде, 1-уі «Керемет» балабақшасында және 1-уі «Элеватормельстрой» АҚ-да орналасқан. Алайда Кеңдала ауылындағы №38 орта мектепте күрделі жөндеу жұмыстарын жүргізілуіне байланысты №870 сайлау учаскесі осы ауылдың Қабанбай батыр көшесіндегі №42 орта мектепке уақытша ауыстырылды. Сондай-ақ, Гүлдала ауылындағы №21 орта мектепте де күрделі жөндеу жұмыстарының жүргізілуіне байланысты №886, 887 сайлау учаскелері Төле би көшесі, №2 мекенжайдағы «Гюзель» дәмханасына уақытша көшірілді. «Керемет» ЖШС жеке балабақшасының жабылуына байланысты №836 сайлау учаскесі Талғар қаласы, Пугачева көшесі, 1 мекенжайдағы ветеринариялық инспекцияның әкімшілік ғимаратына ауысқан. Сайлаушыларды осы өзгерістермен хабардар етіп жатырмыз. 2022 жылы жаңадан құрылған немесе жойылған сайлау учаскелері жоқ», – дейді аудандық сайлау комиссиясының төрағасы Мұхит Дүйсебаев.
