Нақтырақ айтқанда, аталған топ Қорғаныс министрлігі университет ректорларымен арнайы келісім жасасқанын айтты.
«41 Қазақстан университеті мерзімді әскери қызмет өткергендерге оқуға гранттар беруге дайын. Тиісті келісімді министрлік басшысы жоғары оқу орындарының ректорларымен жасады. Бұл ретте ҰБТ нәтижелері ескерілмейді», — деді мамандар.
Олардың айтуынша, келісімге Гумилев атындағы Еуразия ұлттық университеті, Әл-Фараби атындағы Қазақ ұлттық университеті, Astana IT University, Нәрікбаев атындағы КазГЮУ Университеті және басқалар қол қойды.
«Қазіргі таңда ЖОО-да мұндай санаттағы жігіттер үшін 3 000 орын бөлінді. Әскери борышын өтеген, орта мектепті бітіргені туралы аттестаты немесе техникалық, кәсіптік, орта білімнен кейінгі немесе жоғары білімі бар екендігі туралы құжаты бар азаматтар ЖОО-на түсе алады», — деді Қорғаныс министрлігінің әскери білім және ғылым департаменті бастығының орынбасары капитан Людмила Перякина.
Жауынгерлік даярлықта және жүктелген міндеттерді орындауда жоғары нәтижелерге қол жеткізген әскери қызметшілер ЖОО-да оқу үшін әскери бөлім қолбасшылығының қолдауымен оқу орнының квотасы есебінен оқуға мүмкіндік алады. Сондай-ақ курсанттар толық мемлекетің қамтуында болады, ал ЖОО-нын бітіргеннен кейін оларға жұмысқа орналасуға кепілдік беріледі.
Мамандар несиесі бар курсанттардың төлемдерін «тоқтата тұру» және белгіленген қызмет мерзімін өткерген әскери қызметшілерді бес жыл мерзімге табыс салығынан босату кіретін шаралар пакеті әзірленіп жатқанын да айтты.
