«Инвестиция тарту — әкімдіктер қызметіндегі негізгі міндеттердің бірі. 2022 жылы Балқаш ауданының экономикасына 5,2 млрд. теңге салынды, бұл облыстың 0,9%-ы ғана (609 млрд. теңге). Ал 2021 жылмен салыстырғанда инвестициялар 2 есе азайған», — деді Марат Сұлтанғазиев.
Сонымен қатар ол шағын және орта бизнес субъектілері шығаратын өнім көлемі де 2 есеге қысқарғанын, ал бюджетке түсімдер 3,4%-ға азайғанын айтты (2021 ж. 592,4 млн. теңге, 2022 ж. 572,4 млн. теңге).
«Аудан әкімдігіне осы бағыттардағы жұмысты күшейтуді тапсырамын. Ол үшін барлық жобаларды мерзімінде іске қосу, қолданыстағы бағдарламалар шеңберінде қолдау көрсете отырып, шағын және орта бизнес субъектілерінің санын көбейту қажет», — деді Марат Сұлтанғазиев.
