«Көшпенділер қалашығы» Қонаев қаласының меншігіне қайтарылды. Бұған дейін нысанға Ш.Айманов атындағы «Қазақфильм» Ұлттық киностудиясы иелік еткен», – делінген баспасөз хабарламасында.
Қонаев қаласының басшылығы «Қазақфильм киностудиясымен бірқатар келіссөздер жүргізген. Нәтижесінде киностудия мөз меншігіндегі декорациялық кешенді сыйға тарту шартымен беруге келіскен.
Әкімдік мәліметінше, бүгінгі күні қалашық біршама тозған. Кейбір жабдықтары сынып, алғаш салынғандағы келбетін жоғалтқан.
Іле өзенінің сол жақ жағалауында орналасқан нысан аумағы 5,8 гектарды құрайды. Баланстық құны – 15 402 000 теңге.
Енді бұл қалашық Қонаев қаласының труистік нысанына айналады. Кешен әкімдіктің тұрғын үй-коммуналдық шаруашылығы бөліміне қарайды. Алдағы уақытта бұл жерді Қонаевтың туристі аймағы ретінде дамыту көзделген.
Қалашықтың тозып кеткеніне байланысты әкімдік нысанды күтіп ұстауға және жөндеу жұмыстарын жүргізуге бюджеттен қаражат бөлуді жоспарлап отыр.
Бұдан бөлек аймақ инфрақұрылымын дамыту жұмыстары басталып кеткен. Бүгінде қалаға баратын 7 шақырым күре жол төселген. Бұдан бөлек электр желілері тартылып, автотұрақ салынады. Күре жолдың бойы жарықтандырылады.
