Қазақстан Республикасының Мемлекеттік қызмет істері агенттігінің Алматы облысы бойынша департаменті Жаңа жыл мейрамы қарсаңында “Еріктілер кеңесі” мүшелерімен және мемлекеттік қызметшілермен көпбалалы отбасыларға қолдау көрсетілді, деп хабарлайды Alataunews.kz
Жаңа жыл мейрамы қарсаңында көпбалалы отбасыларды құттықтауға арналған игі іс-шаралар ұйымдастырылды. Шараның басты мақсаты – әлеуметтік қолдауды қажет ететін отбасыларға мерекелік көңіл күй сыйлап, оларға қоғамның қамқорлығын сезіндіру.
Іс-шара барысында көпбалалы аналар мен балаларға арнайы жаңа жылдық сыйлықтар табысталып, ақжарма тілектер айтылды. Балалар үшін мерекелік көңіл күй қалыптастырып, олардың жүздеріне қуаныш ұялату – шараның маңызды бөлігі болды.
Ұйымдастырушылар көпбалалы отбасылардың қоғамдағы рөлін ерекше атап өтіп, алдағы жаңа жылда денсаулық, амандық және бақ-береке тіледі. Мұндай игі бастамалар алдағы уақытта да өз жалғасын табады.
