Халық Зықаевтың сөзіне сүйенсек, Кеген ауылында 2 балабақша бар. Бірақ, екеуінің де сапасы сын көтермейді. Себебі 4 жыл бойы кәріз суы еденнің астына толып қала беретін болған. Сәйкесінше нысандардың қабырғасы қақырап, ғимаратқа айтарлықтай нұқсан келген.
«Балабақшалар әлі де қолданыста. Балалардың қауіпсіздігіне алаңдаймыз. 1-қабатта орналасқан топтардың балалары 2-қабаттағы екі топқа бөлініп, тәрбиеленіп жатыр. Ғимарат алда-жалда опырылып түссе, жағдай не болмақ?», — деді ақсақал.
Ал жиынға қатысқан облыстық білім басқармасының басшысы Салтанат Беспаева болса, мәселеден хабардар екенін жеткізді.
«Былтыр ол нысандарға барып, жағдаймен таныстым. Қазіргі таңда ғимаратқа жөндеу жұмысын жасау үшін бюджеттен ақша қарастырылып тұр. Тек конкурс арқылы мердігер компанияны анықтау қажет», — деді басқарма басшысы.
