2025 жылдың 5 мамырынан бастап WhatsApp iPhone-ның үш моделінде қызмет етуді тоқтатады, деп хабарлайды Alataunews.kz.
Қолданбалардың бета нұсқаларын зерттейтін сайтта қызметтің құрылғыларға қойылатын талаптарын жаңарту жоспарларын растайтын жасырын хабарлама табылды.
2025 жылдың 5 мамырынан бастап WhatsApp iPhone 5s, iPhone 6 және iPhone 6 Plus құрылғыларында жаңартуды тоқтатады. Бұл модельдер қосымшаның жұмыс істеуі үшін қажет iOS 15.1-ді қолдамайды және IOS 12.5.7-мен шектеледі.
Android-ті қолданушылары үшін алаңдайтын ештеңе жоқ. Өзгерістер тек ескі iPhone модельдеріне қатысты, ал басқа құрылғылардың иелері WhatsApp-ты шектеусіз қолдана береді.
Барлық жаңа iPhone модельдері iOS-тың жаңартылған нұсқасымен WhatsApp — ты қолдауды жалғастыра береді. Тек жүйені жаңартыңыз, сонда сіз ешқандай шектеусіз байланыста боласыз.
