«Төтенше жағдайларды жою жөніндегі жоспар бекітіліп, шұғыл әрекет ету жасағы құрылды. Оның құрамында 130 адам, 36 техника бар», — деді аудандық ТЖБ бас инженері Жанабек Бақытжанұлы.
Оның мәліметінше, Есік, Түрген, Қайназар, Өрікті, Рахат және Шелек өзендерінің бойында 9179 адам мекен етеді.
«Ауданда ең ірі су қоймасы — «Бартоғай». Қазіргі таңда қоймадағы су көлемі — 265 млн текше метр, еріген қар суы секундына 14,2 метр болып ағып келіп жатыр. Ал Есік көліндегі су көлемі — 1,7 млн. м3 құрайды, келген су — 29,0 м3/сек», — деді маман.
Сондай-ақ ТЖБ маманы су тасқынына дайындық мақсатында аудан аумағынан 5,5 мың текше метр қар шығарылғанын айтты.
«Өңірде 89 км арық, 87 км канал, 51 км су өткізу құбырлары тазартылды. 5000 мың дана құм толтырылған қаптар, 14 мотопомпа, 4 тонна дизель, 4 тонна бензин және 232 тонна инертті материалдар дайындалды. Бұдан бөлек, ауылдардағы арықтар мен шағын каналдар, өзендер түгелдей тазартылды», — деді Жанабек Бақытжанұлы.
Ал аудандық сәулет және қала құрылысы бөлімі бас маманы Аян Ыдырысов әкімдік резервінде шұғыл шығындарға 151 млн. теңге қарастырылғанын сөз етті.
«Аудан аумағындағы гидрометеорологиялық жағдай туралы «Қазселденқорғау» ММ-сінің 4 гидробекеті мен 1 диспетчерлік пункті күнделікті мониторинг жүргізеді. Барлық гидропосттармен байланыс үздіксіз. Тұрғындармен түсіндірме жүргізіліп, 6000-ға жуық жадынамалар таратылды», — деді Аян Ыдырысов.
Айта кетейік, ауданда су тасқыны қаупі бар 14 аймақ орналасқан. Мұнда үлкенді-кішілі 57 су қоймалары, плотиналар, сутораптары және тоғандар бар.
Посмотреть эту публикацию в Instagram
