13 желтоқсанда №1 мектеп-лицейінің үш командасы MatataLab Smart Sport Competition робототехника жарысына қатысқан. Сайыс қорытындысы бойынша бір команда бірінші орынды иеленіп, Қытай Халық Республикасының Уси қаласына жолдама алды.
Жеңімпаз атанған оқушылар:
-
Марат Ансар
-
Юлдашев Расим
Команданың жетекшісі — Ибрагимова Назигүл.
Айта кетейік, Алматы облысының мектеп оқушылары түрлі республикалық және халықаралық байқауларға тұрақты түрде қатысып, жүлделі орындардан жиі көрініп жүр. Мамандар мұндай жоғары нәтижелерге қол жеткізуде оқушылардың еңбегімен қатар, педагогтердің кәсіби дайындығы мен білім беру мекемелерінің заманауи материалдық-техникалық базасының да маңызы зор екенін атап өтеді.
Соңғы жылдары Алматы облысында білім беру жүйесі түбегейлі жаңғыртылды. Оқу кабинеттері жаңа техникамен жабдықталып, оқу-әдістемелік қор жаңартылды, ал мұғалімдер жыл сайын біліктілігін арттырып, түрлі деңгейдегі кәсіби байқауларға қатысып келеді. Бұл шаралар өңірде білім сапасының артуына оң әсерін тигізіп отыр.
