Сондай-ақ тараптарға арнайы экономикалық аймақтардың инвесторлар үшін қарастырылған артықшылықтары мен қолдау тетіктері кеңінен таныстырылды.
Басқосуда Алматы облысы ауқымды инфрақұрылымдық бастамаларды жүзеге асыруға қолайлы өңір ретінде ұсынылды. Атап айтқанда, өнеркәсіптік нысандар салу, көлік-логистикалық инфрақұрылымды дамыту, инженерлік және әлеуметтік инфрақұрылымды кешенді түрде жетілдіру бағыттарындағы мүмкіндіктер айтылды.
Әртүрлі елдерде күрделі инфрақұрылымдық жобаларды іске асыру тәжірибесі бар Cengiz Holding өкілдері ұсынылған инвестициялық жағдайларды зерделеуге және ықтимал ынтымақтастық бағыттарын алдағы уақытта жан-жақты пысықтауға қызығушылық білдірді.
