Алматы облысының әкімі Марат Сұлтанғазиев Дүниежүзілік банк өкілдерімен кездесу барысында облыстағы түйінді сын-қатерлер мен проблемалық мәселелер, сондай-ақ перспективалы инвестициялық бағыттар туралы айтты.
Бүгінгі таңда өңір экономикасына инвестиция тартуды тежейтін негізгі проблема Қонаев қаласының өзінде де, барлық аудандарда да жеткілікті дамымаған инфрақұрылым, деп атап өтті әкім.
«Инфрақұрылымның жай-күйі барлық жерде жаңартуды қажет етеді. Егер біз осы мәселені ретке келтірсек, инвестициялар келеді. Инфрақұрылым мәселесі-инвесторларды тартуды тежейтін негізгі мәселе. Өз тарапымыздан біз қазір осы бағыттағы мәселелерді белсенді түрде шешіп жатырмыз, сондай-ақ инвестициялық жобалар үшін жер учаскелерін іздеу жұмыстары жүргізіліп жатыр», — деді облыс басшысы.
Өз кезегінде дүниежүзілік банк өкілдері әкімге агломерациялық орталықтардың (ACED) экономикалық дамуының алдын ала жобасын ұсынды, оны іске асыру Ұлттық экономика министрлігімен және жергілікті билік органдарымен серіктестікте көзделіп отыр. Жоба шеңберінде Қазақстанның үш жаңа облысында және облыс орталықтарында (оның ішінде Алматы облысында және Қонаев қаласында) бірқатар іс-шараларды жүзеге асыру көзделуде. Барлық өңірді қаржыландырудың жалпы көлемі 50-100 млн АҚШ доллар, алайда нақты сома бұдан әрі талқыланып, бекітіледі.
Жалпы жоба жергілікті инфрақұрылымды жетілдіруге, өңірлердің экономикалық бәсекеге қабілеттілігін нығайтуға, қызмет көрсету сапасын арттыруға (оның ішінде коммуналдық және мемлекеттік), жергілікті халықтың өмір сүру сапасын жақсартуға бағытталған, деп атап өтті ДБ өкілдері.
2023 жылғы қаңтарда банк өкілдері облыстарға баруды және мүдделі тараптармен кеңестер өткізуді жоспарлап отыр. Жоба 2024 жылы іске асырыла бастайды.
