Мамандардың айтуынша, Алматы облысының полиция департаменті мен прокуратурасы «Жол қозғалысы қауіпсіздігі» жобасын іске асырып жатыр. Аталған жобаның аясында 38 жол торабына тексеру жүргізілді. Шара барысында жолдарды күтіп ұстау бойынша көптеген кемшіліктер анықталып, жол-коммуналдық ұйымдарына тиісті нұсқама берілді және жауапты 40 тұлға әкімшілік жауапкершілікке тартылды.
«Жамбыл , Қарасай, Талғар және Іле аудандары мен Қонаев қаласының жолдарын зерттеу нәтижесінде жол қозғалысын ұйымдастыруды өзгерту жөнінде шаралар қабылдауды талап ететін апатты-қауіпті учаскелер анықталды. Осының негізінде жоспар құрылып, ЖАО мамандары 18 бағдаршам, 830 дана жол белгілерін, оқу орнының жанында жасанды кедергілер және т.б. орнату бойынша шаралар қабылдап жатыр. Сондай-ақ жылдамдық режимін төмендету үшін 132 стационарлық аппараттық — бағдарламалық кешенді, патрульдік автомобильдерге 20 жылжымалы кешенді сатып алуға 500 млн теңгеден астам қаржы бөлінді», — деді мамандар.
Жалпы жыл басынан облыстағы ПД уәкілетті қызметкерлері 285 автомобиль жолдары мен көше-жол желісін тексеруді ұйымдастырды.
