Оқиға орнына ҚР Төтенше жағдайлар министрлігі мен республикалық жедел-құтқару жасағының құтқарушылары жедел жеткен. Алайда жасөспірімдердің біреуін аман алып қалу мүмкін болмады.
Ведомство мәліметінше, төрт жасөспірім ойын барысында жұқа мұзға шығып, абайсызда суға түсіп кеткен. Оқиғаға куә болған балықшы үш жасөспірімді судан алып шыққанымен, төртіншісін құтқару мүмкін болмаған.
Қаза тапқан жасөспірімнің денесі полиция қызметкерлеріне тапсырылды. Қазіргі таңда оқиғаның мән-жайы анықталып жатыр.
Осыған байланысты ТЖМ ата-аналар мен тұрғындарды балаларды су айдындары маңында қараусыз қалдырмауға, жұқа мұзға шықпауға және су объектілері жанында қауіпсіздік талаптарын қатаң сақтауға шақырады.
