30 қаңтарда «Заң мен тәртіп» қағидаты аясында облыс аумағында іздеуде жүрген тұлғаларды анықтау мақсатында локальды-рейдтік іс-шаралар ұйымдастырылды.
Жедел-іздестіру шаралары барысында республикалық маңызы бар Алматы – Бішкек автожолы бойындағы қоғамдық тамақтану орындарының бірінде ер адам ұсталды. Тексеру нәтижесінде оның 1994 жылы туған, Тәжікстан азаматы екені анықталды. Ол ауыр қылмыс жасаған деген күдікпен мемлекетаралық іздеуде болған.
Бұған дейін аталған азаматқа қатысты қамауға алу түріндегі бұлтартпау шарасы санкцияланған. Қазіргі уақытта ол Қарасай аудандық полиция басқармасының уақытша ұстау изоляторына қамалып, қолданыстағы заңнама талаптарына сәйкес барлық қажетті процессуалдық іс-шаралар жүргізілуде.
