Алматы облысының санитарлық-эпидемиологиялық бақылау департаментінде 28 млн теңгеден астам қаржылық бұзушылық анықталды.
Алматы облысының санитарлық-эпидемиологиялық бақылау департаментінде жүргізілген ішкі мемлекеттік аудит қорытындысы бойынша 28,1 млн теңге көлемінде қаржылық заңбұзушылықтар тіркелді.
Аудит нәтижесіне сәйкес, оның ішінде 2,7 млн теңге бюджетке қайтаруға, ал 25,3 млн теңге бухгалтерлік есепке қалпына келтіруге жататыны белгілі болды. Бұдан бөлек, 6,4 млн теңге көлемінде рәсімдік бұзушылықтар да анықталған.
Тексерудің қорытындысымен мекемеде техникалық оқыту жүргізіліп, бірқатар қызметкерлерге тәртіптік жаза ретінде сөгіс берілді. Сонымен қатар, барлық айыппұлдар толық көлемде төленіп, бухгалтерлік есепке 25,3 млн теңге енгізілді, ал бюджетке 2,7 млн теңге қайтарылды.
